BUTUAN CITY- Mobalik na usab ang Palarong Pambansa sa National Capital Region kon NCR human gipahibalo kagahapong adlaw Huwebes nga ang Quezon City mao ang napili nga host sa 2027 alang sa maong tinuig nga grassroots sporting event.
Ang maong kalaboan gi-anunsyo ni Palarong Pambansa Secretary General Malcolm Garma, atol sa press conference sa Datu Lipus Makapandong Governor D.O. Sports Complex sa Prosperidad, Agusan del Sur. Ang pormal nga turnover ipahigayon sa closing ceremony, kansa nagtimaan sa pagbalik sa Palarong Pambansa sa Metro Manila sukad niadtong sa 2023 sa Marikina.
Kini usab mao ang unang higayon nga ang Quezon City mahimong opisyal nga host sa Palarong Pambansa sukad sa niadtong 1966, panahon pa sa Bureau of Public Schools-Interscholastic Athletics Association Games kon BPISAA.
