BUTUAN CITY – Gikan sa 5 ka mga patay ug 100 ka mga kaso sa COVID-19 nga natala kagahapong dinhi sa Caraga Region, subling misaka ngadto sa 239 ka mga bag-ong kaso samtang 4 ang mga bag-ong patay.
Sa mga bag-ong kaso, 236 niini ang naka-isolate samtang 133 ang mga bag-ong nakarekober rason nga ang kinatibuk-ang ihap sa mga namatay tungod sa coronavirus, mi-abot na sa 445.
Sa mga bag-ong kaso, pinakadaghan ang natala sa Agusan del Sur nga mi-abot sa 39; Bislig City-38; Dinagat Islands-37; Surigao del Sur-36; Butuan City-32; Surigfao del Norte-25; Surigao City-18; napulo sa Agusan del Norte, 2 sa Bayugan City ug tag-usa sa Cabadbaran City ug Tandag City.
Sa pagkakaron, mi-abot na sa 14,544 ang COVID-19 cumulative cases ning rehiyon kondiin 2,827 ang naka-isolate; 11,272 ang nakarekober.
