BUTUAN CITY – Padayon pang nagpa-alim sa Butuan Medical Center ang upat ka mga pasahero sa usa ka Mitsubishi Strada kolor itom nga na-angol human mibangga sa gisundan nilang trailer truck kaganinang alas-4:430 sa sayong buntag sa national highway sa Purok 8, Brgy. Ampayon ning siyudad sa Butuan.
Nagrabihan sa maong insidente ang wala pa mailang driver sa maong sakyanan human kini na-ipit og maayo sa iyang gilingkuran. Sigon sa usa sa mga sakay sa maong Strada, pa-uli na unta sila gikan sa Cabadbaran City dihang natigayon ang insidente.
Sigon sa driver sa trailer truck nga si Mario Lapot, 56-anyos nga taga-Iligan City ug trabahante sa UPC Builders, clear kaayo ang dalan dihang pasulod na unta sila sa compound lang sa ikarga nilang mga construction materials dihang kalit lang milagapak ang likod nga mao na diay ang pagbangga sa Mitsubishi Strada sa samputang bahin sa ilang trak.
