BUTUAN CITY – Nakatala na usab og 33 ka mga bag-ong kaso sa COVID-19 ang Caraga Region samtang wala’y patay rason nga ang cumulative cases ning rehiyon mi-abot na sa 7,326 kondiin 694 niini ang isolated pa; 6,341 ang nakarekober na ug 291 ang natalang patay.
Base sa pinaka-ulahing situational report sa Department of Health-Center for Health and Development kon DOH-CHD Caraga, sa bag-ong mga kaso, 16 niini ang mga babaye samtang 17 usab ang mga lalaki kondiin 6-anyos ang pinakabata samtang 86-anyos ang pinaka-edaran.
Sa pinakabag-ong kaso, mi-abot sa 16 ang natala dinhi sa dakbayan sa Butuan nga na-apod sa Brgy. San Vicente ug Villa Kananga nga duna’y tag-tulo, 2 sa Brgy. Lumbocan ug tag-usa sa Brgy. Ambago, Anticala, Basag, Buhangin, DOongfa, Florida, Libertad ug Pagatpatan.
Sunod ang 8 ka mga kaso sa Agusan del Norte nga na-apod sa mga lungsod sa Buenavista, 3; Carmen-2 ug tag-usa na sa Jabonga, Nasipit ug Santiago samtang tagduha ka mga kaso ang natala sa Agusan del Sur, Cabadbaran City ug Bayugan City samtang tag-usa ka kaso ang natala sa Dinagat Islands, Surigao del Sur ug Tandag City ug wala’y natala sa Surigao del Norte, Surigao City ug Bislig City.
