-- ADVERTISEMENT --
BUTUAN CITY – Tulo ang patay samtang duha ang angol human mibangga sa center island ang usa ka Suzuki Multicab Pick-up didto sa Purok 2, Brgy. San Teodoro, Bunawan, Agusan del Sur kagahapon sa alas-dies sa buntag.
Apil sa namatay ang driver nga si Felix Bunutan Balili, 64-anyos, residente sa Brgy. SanRoque, San Miguel, Surigao del Sur kinsa wala na maka-abot nga buhi pag-abot sa ospital.
Sakay sa maong multicab ang upat ka mga pasaherong kababayan sa driver kondiin apil sa laing namatay sila Roselyn Beter ug Primitivo Alvarez Sr., 74-anyos samtang padayon pang nagpa-alim ang iyang mag-inahang sila Ceferina Alvrez, 73-anyos ug Primitivo Alvarez Jr., 43-anyos.
Gihaya na ang mga patay’ng lawas sa usa ka punerarya sa Trento, Agusan del Sur.
