BUTUAN CITY – Patay ang tulo ka mga hikers sa pagbusikad sa Mount Dukono volcano sa Indonesia kaganina samtang naluwas usab ang laing 17 nga kabahin sa grupo sa 20 ka mga hikers, nga nawala human ang pagbusikad.
Kadaghanan kanila gihikling na gikan sa bukid apan nabiyaan ang duha aron mutabang unta sa pagpangita sa mga patay nang biktima.
Sigon sa mga opisyal, nag-hiking ang grupo, apil ang siyam ka mga Singaporeans, padulong sa bulkan taliwa sa nagtunhay nga climbing ban.
Base sa Volcanological Survey sa Indonesia, mibuto ang bulkan pasado alas-7:41 sa buntag kaganina -local time, kondiin nagbuga kini og baga nga abo sa kalangitan. Ang Dukono usa sa pinaka-aktibong bulkan sa Indonesia ug sikat kaayo rason nga ginadayo sa mga hikers ug mga turista.
