BUTUAN CITY- Muabot na sa kinatibuk-ang 28,343 ang natalang kaso sa rehiyon human nadugangan og 286 ka mga bag-ong kaso sa covid-19 kagahapong adlawa.
Samtang muabot na usab sa 2,381 ang mga naka-isolate samtang anaa na sa 25,050 ang kinatibuk-ang nakarekober sa tibook rehiyon tungod sa 150 ka mga nimaayo nga nadugang ug anaa na usab sa 912 ang namatay human nga 4 ang nadugang niini.
Sa nasangpit nga mga bag-ong kaso, nag una ang Agusan del Sur sa dunay pinakadaghang natalang kaso sa covid-19 nga muabot sa 99; gisundan dayun kini sa 57 ka mga kaso sa Surigao del Sur; ingun man 35 sa Agusan del Norte; samtang 28 ang natala sa Butuan City; 27 sa Surigao City; 20 sa Bayugan City; ug napulo ka kaso sa Surigao del Norte; 8 sa Tandag City ug dunay 3 ka kaso ang gikan sa Cababaran City.
