BUTUAN CITY – Sikop sa mga otoridad ang mag-live in partner sa dakbayan sa Cebu human nasakpang gibaligya ang kaugalingon nga anak sa kantidad nga P30,000 arun ipalit lang og shabu.
Sumala sa imbistigasyon, naila ang magtiayon nga sila si Jay ug Karen, residente sa Barangay Guadalupe sakop sa maong syudad.
Sa pamahayag PLt. Col. Maria Theresa Macatangay sa Cebu City Police nga 22 ka adlaw pa lamang gikan sa pagkahimugso ang gibaligyang bata.
Sumala panga gibaligya sa mga suspek ang ilang anak sa kantidad nga P100, 000 apan P30, 000 na lamang ang ilang nakuha human napaingon ang P57, 000 sa middleman.
Nadiskubrehan matud pa ang maong ang insidente human nga giistorya sa menor-de-edad nga anak sa mag-live in partner sa ilang silingan nga gibaligya matud sa ilang ginikanan ang iyang manghod.
Gisaysay usab pa sa maong menor de edad nga gisaaran kini sa iyang ginikan nga palitan og cellphone basta dili magsaba sa bisan kinsa.
Migula sa imbistigasyon nga gigamit sa maglive-in partner pagpalit sa droga ang halin sa ilang anak.
Sa kasamtangan, balhog na ang mga nasampit nga suspetsado sa maong Police Station diin gikatakdang pasakahan og tukmang mga kaso.
