BUTUAN CITY – Gikumpirma sa Media Liaison Officer sa Provincial Disaster Risk Reduction and Management Office o PDRRMO-Dinagat Islands nga duha ang sakay sa nahagsa nga Cessna plane ning mi-aging adlaw didto sa bukirang bahin sa Brgy Navarro, lungsod sa Tubajon, sa maong probinsiya.
Sigon ni Owen Gonzaga na dili sila pwedeng maghatag og pangalan sa mga biktima isip pagrespeto sa ilang privacy apan ang mga niini usa ka piloto ug architect nga padulong unta sa Siargao aron magbakasyon.
Ang nasangpit nga impormasyo gikumpirma mismo sa higala sa mga biktima nga usa usa ka piloto nga sumapa pa niini hilabihan kakusog ang pagkahagsa sa nasangpit nga eroplano rasong nalubong kini sa bukirang parte sa maong lugar.
Sa hisgutanan usab sa black box sa nasangpit nga eroplano, giklaro ni Gonzaga nga ang mga imbestigador lang sa Civil Aviation Authority of the Philippines kon CAAP ang makatubag diin ang mga niini mohimo og imbestigasyon sa crash site karung adlawa.
Gikumpirma usab niini nga miadtu mismo sa lugar nga nahitaboan ang gobernador sa Dinagat islands nga si Governor Nilo Demery jr.
Una nang gikumpirma ni Gonzaga ang mga nakuha atol sa gihimong Search and Retrieval Operation sama sa mga parte sa lawas sa tawo apil na niini ang mga buhok sa lalaki og babaye.
