BUTUAN CITY- Nakatakdang mo-abot sa Pilipinas ang 21,000 ka metrikong tonelada sa liquefied petroleum gas kon LPG nga napalit gikan sa Estados Unidos sa Mayo.
Kini parte sa paningkamot sa panggamhanan nga masiguro ang lig-on ug masaligan nga suplay sa lana taliwa sa krisis sa Middle East, kung asa naggikan ang crude oil nga giproseso aron makamugna og LPG ug uban pang fuel.
Sa usa ka statement kagahapong adlawa Sabado, Abril 25, gipadayag sa Department of Energy (DOE) nga laumang madedeliver kini sa nasud gikan Mayo 20 hangtud Mayo 31 ug kini dalhon sa Batangas.
Lauman matud pa nga magpalig-on ang umalabotay nga shipment sa imbentaryo sa nasud sa LPG ug mapakusgan ang supply sa buffers alang sa mga panimalay ug negosyo.
Sumala sa Energy Department, suod kining nakig-alayon sa gobyerno ug industry stakeholders aron masiguro ang energy security, mamintinar ang lig-on nga suplay ug maprotektahan ang kaayohan sa mga Pilipino nga nagdepende sa LPG alang sa ilang pangadlaw-adlaw nga panginahanglan.
