BUTUAN CITY- Duha ka lalaki ang namatay ug duha pa ang nasamdan human sa natigayong landslide sa Tipo High-Tech Park sa Subic Bay Freeport Zone, Subic, Zambales, kagahapon Sabado sa buntag tungod sa kusog ug padayong pag-ulan.
Sigon sa Subic Bay Metropolitan Authority kon SBMA, usa sa mga namatay, usa ka Chinese national samtang ang usa Filipino, samtang ang duha ka nasamdan parehong Filipino ug ang usa kanila nakagawas na sa ospital.
Sumala sa inisyal nga imbestigasyon, nahitabo ang insidente pasado alas-10:45 sa buntag human unang nahugno ang retaining wall sa maong lugar.
Gipadala na usab sa Philippine Red Cross ang mga emergency response team aron susihon ang lugar ug mohatag og gikinahanglang tabang.
Padayon usab ang imbestigasyon sa SBMA aron mahibal-an ang hinungdan sa pagkahugno sa retaining wall ug aron malikayan ang susamang insidente sa umaabot.
