BUTUAN CITY – Patay na sa edad nga 80-anyos ang sikat nga American country music singer, songwriter, actress ug philanthropist nga si Dolly Parton, kondiin gikumpirma sa iyang pamilya nga namatay siya sa Nashville, Tennessee, kaganina.
Sumala sa iyang pamilya, malinawon siyang namatay apan wala pa gipadayag sa iyang pamilya ang opisyal nga hinungdan sa iyang kamatayon.
Una nang gibutyag sa iyang mga representante nga nakigbisog siya sa cancer sa mubo nga panahon.Sulod sa hapit unom ka dekada, nahimo si Parton nga usa sa pinakadakong pangalan sa country music ug nakabaligya og kapin 100 milyones ka records sa tibuok kalibotan.
Nailhan siya pinaagi sa iyang mga iconic nga kanta sama sa “Jolene,” “9 to 5,” “Coat of Many Colors,” ug “I Will Always Love You,” nga nahimong mas sikat pa pinaagi sa bersiyon ni Whitney Houston.
Nakadawat usab siya og daghang Grammy Awards ug nahimong miyembro sa Songwriters Hall of Fame ug Rock and Roll Hall of Fame.
Dili lamang sa musika nagpabilin ang dakong impluwensiya ni Parton tungod kay na-ilhan usab siya sa iyang pagkamang-gihatagon ug philanthropic work, ilabina pinaagi sa iyang Imagination Library, usa ka programa nga naghatag og libre nga mga libro ngadto sa mga bata.
Gitukod usab niya ang Dollywood theme park sa Tennessee. Tungod sa iyang talento, pagkamanggihatagon ug personalidad, si Dolly Parton nahimong usa ka cultural icon nga gihigugma sa daghang henerasyon.
