BUTUAN CITY – Giatake sa Israel ang habagatang bahin sa Beirut sa pinaka-unang higayon sa kaulohan sa Lebanon sukad sa gikasabotang ceasefire nga gipangunahan sa US sa miaging semana.
Duha ka pag-atake sa kahanginan ang miigo sa duha ka apartment building sa kuta sa Iran-backed Hezbollah nga napatay og duha ka tawo ug miangol sa dili moubos 17 ka uban pa.
Gipahayag ni Prime Minister Benjamin Netanyahu nga giatake sa Israel ang “terrorist headquarters sa Dahieh district sa Beirut, isip tubag sa pagpamusil sa Hezbollah ngadto sa teritoryo sa Israel.” Wala pa mipagawas og pamahayag ang Hezbollah bahin niini.
Gilimitehan sa Israel ang ilang mga pag-atake sa Beirut tungod sa pressure gikan sa US rasong nabalaka ang Washington nga ang mga pag-atake makababag sa mga paningkamot nga makab-ot ang mas dakong kasabotan sa kalinaw uban sa Iran, nga nag-insistir sa hingpit ceasefire sa Lebanon.
Gipahayag usab sa militar sa Israel nga ilang na-intercept ang duha ka projectile nga misulod sa teritoryo sa Israel gikan sa Lebanon. Wala pa miangkon ang Hezbollah nga sila ang nagpabuto niini.
Apan nisaad si Ebrahim Rezaie, ang tigpamaba sa foreign policy and national security committee sa parlamento sa Iran, og “usa ka sakit nga tubag” batok sa pag-atake sa Israel sa Beirut.
