BUTUAN CITY – Gihatagan na og livelihood assistance sa lokal nga kagamhanan sa Tandag City, Surigao Del Sur ang pamilya sa duha ka mangingisdang nakakita sa 34 ka bloke sa high-grade cocaine kagahapon atol sa pormal nga pag-turn over sa Police Regional Office (PRO) 13 sa pagpanguna ni regional director Chief Supt. Gilberto DC Cruz.
Sigon ni Tandag City Mayor Alexander ‘Ayek’ Pimentel sa eksklusibong interview sa Bombo Radyo Butuan, nadawat gilayon sa mga mangingisdang sila Ronnie Navales, 49-anyos og Ryan Apelo, 23-anyos pulos residente sa susamang lugar, ang tag-duha ka sakong bugas gikan sa PRO-13 samtang gipa-convert sa cash ang balor sa 30 ka sakong bugas gawas pa sa tag-dies mil pesos nga salaping cash alang sa ilang tagsa-tagsa ka pamilya.
Mahinumdumang ning mi-ging gabii dihang napalgan mga mangingisda ang 34 ka bloke sa high-grade cocaine nga gilumot og nasisihan na kondiin ang matag-bloke duna’y dollar sign, didto sa kadagatan ng Siargao Island sa Surigao del Norte og dali ni gidala sa baybayon sa Purok Santan, Brgy. Bungtod sa Tandag City sa lalawigan sa Surigao del Sur.
Nasayrang dili lang kini ang unang higayong duna’y napalgang illegal drugs ang iyang mga constituents tungod kay niadtong 2017 usa ka drum sa marijuana usab nga duna’y gibug-atong 50 kilos ang nabangalan usab sa ilang kadagatan.
Samtang gikumpirma usab ni PRO-13 regional director Chief Supt. Gilberto DC Cruz nga dili basta-batang pinutusay ang gihimo sa maong mga kontrabando tungod sa patong-patong nga pagputos sa mga niini gamit ang rubber, plastic og at og giputos gilayon og fishing net. (Rolan Janea)
