2 ka Butuanon sswimmers, atua sa Singapore alang sa SEAG qualification competition

BUTUAN CITY – Duha ka mga swimmers dinhi sa dakbayan sa Butuan ang gila-umang mu-qualify sa Southeast Asian kon SEA Games higayong mulampos sila sa ilang gi-apilang 53^rd Singapore National Age Group Swimming Championships 2023 nga gisugdan na kagahapon didto sa Singapore.

Kini  gilangkuban nila Lebron James Dabalos gikan sa Agusan National  High School ug Angelo Carmona sa Timber City Academy.

Sa ekskluksibong pakighinabi sa Bombo Radyo Butuan, gibutyag ni swimming coach Renner Arias Buquia, sa duha ka qualifying time nga ilang gi-target kondiin ang usa ila nang nakuha rason nga dili na sila makabayad og 30-dolyares nga penalty.

Samtang sa qualifying time usab alang sa SEA Games, layo-layo pa ang ilang languyon tungod kay hangtud pa man kini sa Marso 19.