BUTUAN CITY – Gipresenta ngadto sa media ni Police Regional Office kon PRO-13 regional director PBGeneral Pablo Labra II ang duha ka mga miyembro sa notoryos nga Betos Criminal Gang ug Potential Private Armed Group, human na-aresto sa mga sakop sa Regional Intelligence Division kon RID-13 sa Barangay Look, Danao City, Cebu.
Gi-ila ni BGen. Labra ang mga nadakpan nga sila Welly Furtonado Gulpe, 25 anyos, nag-atubang og mga kasong robbery, grave threats, carnapping ug murder ug si Joselito Merlin Jr. alyas Junjun, 20 anyos duna usa’y kasong robbery gikan RTC Branch 28 nga nakabase sa Lianga, Surigao Del Sur.
Dugang sa heneral, ang duha gilambigit sa ilegal nga mga binuhatan sama sa gun for hire, robbery, illegal drug, illegal gambling, ug pagpangilkil sa Agusan ug Surigao del Sur.
Ang malampusong pag-aresto, resulta sa gihimong imbestigasyon ug surveillance sa RID-13 human sila gipiya-it sa ilangkanhi ka-ubanan ug lider sa Betos Group nga si alyas Jabbar kinsa una nang na-aresto niadtong Enero 2023.
