BUTUAN CITY – Mangabot karong ala-una sa hapon sa Bancasi Airport ning siyudad sa Butuan ang unang batch sa nahabiin pang 4-mil ka mga Caraganon OFWs nga atua sa Cebu City ug Metro Manila kinsa napulo ka semanang na-lockdown.
Sa eksklusibong interview sa Bombo Radyo Butuan, gipadayag ni Dr. Charito ‘Ching’ Plaza, ang Butuanon nga director general sa Philippine Economic Zone Authority kon PEZA, nga ang pagpa-uli kanila gihimo human kini gimando ni Pangulong Rodrigo Duterte.
Ang maong mga OFWs masundan pa ugma sa buntag ug sa Huwebes niadtong mga atua sa Manila hangtud sa Mayo 30 kondiin 800 ka mga OFWs apil na ang mga seafarers ang katapusang musakay sa barkong mudunggo sa pantalan sa Nasipit, Agusan del Norte.
Dali usab silang sunduon sa mga service vehicles nga gikomisyon sa ilang tagsa-tagsa ka mga local government units alang sa himuong local quarantine.
