BUTUAN CITY – Gikumpirma ni Philippine Economic Zone Authority kon PEZA Director General Charito Ching Plaza nga dunay pay gibana-banang 1,500 ka mga Locally Stranded Indivduals (LSIs) nga natanggong sa kaulohan ug nakatakdang i-facilitate aron maka-uli dinhi sa rehiyon sa umaabot nga mga adlaw.
Sa pakighinabi sa Bombo Radyo Butuan gipadayag ni Plaza nga ang maong ihap wala pay labot sa mga atua sa Cebu nga naka-lockdown pa ug gibawal una ang mga pagbyahe.
Sumala ni Plaza, nagpundo karon sa Philippine Army gymnasium sa kauluhan ang kapin usa ka libo ka mga LSIs human nga wala na’y kaulian ug kwartang magamit.
Gidugang sa opisyal nga gihangyo niya sa kadagkuan sa militar nga hatagan og libreng rapid tests ang nasangpit nga mga LSIs adiser matugutang makapauli dinhi sa rehiyon
Samtang gikumpirma sa Butuan City Public Information Office nga ang pinakabag-ong kumpirmadong kaso sa COVID-19 sa Butuan, usa ka Returning Overseas Filipino (ROF) nga taga Brgy. Taligaman ug asymptomatic.
