BUTUAN CITY – Nakatala na og 149 ka cumulative COVID-19 cases ang Police Regional Office kon PRO-13 kondiin sa maong ihap, 16 ang pabiling aktibo samtang 133 na ang nakarekober ug wala’y natalang patay.
Sa eksklusibong pakighinabi sa Bombo Radyo Butuan, gipadayag ni PMajor Dorothy Tumulak, tigpamaba sa maong buhatan nga 13 sa 16 ka mga atkibong kaso ang anaa sa nagkada-iyang quarantine facilities samtang tulo ang gi-admit sa ospital.
Gikalipay sa ilang kadumalahan tungod kay bag-uhay lang gi-accredit sa Department of Health ang ilang quarantine facility nga anaa sulod mismo sa Camp Rafael Rodriguez kansa gidumala sa ilang Regional Health Office-13 ug duna lama’y unom ka mga kwarto.
Sa mga aktibong kaso, duna nagpa-quarantine sa pasilidad nga duol lang sa ilang lugar samtang duna usa’y usa ka pulis nga anaa sa ilang quarantine facility sa kampo ilabina nga nakabase kini sa kampo.
