BUTUAN CITY – Wala pa magpagawas og pamahayag ang katorse ka mga miyembro sa Special Weapon and Tactics kon SWAT team Butuan City Police Office kon BCPO human gitangtang sa ilang katungdanan.
Kini human matud pa nila gimaltrato ang duha ka mga batan-on apil na ang usa ka menor de edad sa ilang pagpatuman sa curfew hour kondiin nagbantay og mga sakyanan ang mga batan-on gawas sa usa ka food chain.
Nasayrang daling midangop sa BCPO ang ginikanan sa maong mga batan-on human matud pa sila gidala sa layo nga lugar diin sila gikulata ug gipakaon og sili.
Gibutyag ni Butuan City Police Director Col. Albert Magno, nagkasinabot na matod ang ginikanan sa mga biktima ug ang hingtungang mga nga ipa-ilalom sila sa disciplinary action. Misaad si PCol Magno nga dili na ma-usab pa ang maong insidente.
