BUTUAN CITY- Padayon nga minghimo og hot pursuit operation ang mga personahi sa Bayugan City Police Station sa mga suspek nga nihimo sa pagpusil sa usa ka negosyante sulod mismo sa ilang agrivet store niadtong miaging adlaw sa Rotunda,Poblacion Bayugan City. Ang biktima naelang si Janet Russel ug risdenete ra usab sa nahisgutang lugar.
Sa imbestigasyon nasayran nga mga bandang 2:47 sa hapon sa samang adlaw, samtang ang biktima anaa sa ilang tindahan, usa sa mga suspek ang kalit nga nisulod ug gipusil ang biktima makaduha ka higayon nga naigo sa iyang lawas gamit ang kalibre .45 nga pistola. Human sa insidente, misibat ang mga suspek paingon sa habagatan sakay sa kolor pula nga KLX nga motorsiklo nga walay plate number. Dugang pa sa report, anaa matud pa duol sa biktima ang iyang kinamanghuran nga anak sa dihang nahitabo ang insidente, nga hinungdan sa grabeng kahadlok ug kasubo sa maong bata.
Ang biktima daling gidala sa Bayugan Community Hospital aron matambalan. Ang mga personahe sa Bayugan CCPS padayon pa nga nagpahigayon og imbestigasyon ug hot pursuit operations uban ang koordinasyon sa mga kasikbit nga estasyonan alang sa posibleng pag-ila ug pagkasikop sa mga suspek.
