BUTUAN CITY – Padayon ang imbestigasyon sa kapulisan sa Talisay City lalawigan sa Cebu aron ma-ilhan ang lalaking mipusil-patay sa usa 14-anyos nga dalagita sulod sa ilang pinuy-anan ug masuta ang motibo sa kremin.
Migawas sa inisyal nga imbestigasyon nga gisulod matud pa sa lalaking nakataptap sa iyang nawong ang balay sa biktima sa Sitio Riverside 1, Barangay Cansojong, Talisay City, Cebu kinsa nag-inusara niadtong higayona sulod sa iyang kwarto kay nagtubag sa iyang modules ug didto kini gipusil nga wala’y kaluoy hinungdan sa iyang kamatayon.
Nasayrang ang learning modules kabahin sa alternative learning modes nga gihatag sa Department of Education ngadto sa mga estudyante sa tibuok nasud human gilsuspende ang face-to-face classes sa ubang lugar tungod sa grabe nga ka-init sa panahon.
