BUTUAN CITY – Luwas nang naka-uli sa Pilipinas ang 13 ka mga tripolanteng Pinoy nga sakay sa barkong M/V MSC Sariska V nga na-igo sa projectile samtang pabiya na sa Port of Umm Qasr, sa Iraq niadtong Hunyo 1 ning tuiga. Wala’y na-angol sa insidente ug nakabalik sila sa Ninoy Aquino International Airport (NAIA).
Sigon sa Department of Migrant Workers kon DMW, dali silang gihikling sa mga otoridad sa Iraq human sa insidente ug gipapa-uli dinhi sa nasud ning mi-aging adlaw.
Sigon sa DMW, nariyalisar ang ilang repatriation human sila nakig-alayon sa tag-iya sa barko ingon man sa manning agency ug embahada sa Pilipinas sa Iraq.
Gisugat usab sila sa tugpahanan sa mga opisyal sa DMW ingon man sa Overseas Workers’ Welfare Administration kon OWWA, medical team sa Manila International Airport Authority, ilang manning agency ingon man sa NAIA Infrastructure Corporation.
Mipa-ilalom sila sa medical evaluation ug nakadawat og ayudang pinansyal samtang giplastar na usab ang ilang pagpa-uli sa ilang tagsa-tagsa ka mga lalawigan.
