BUTUAN CITY – Yanong kasa-ulugan lang ang gipahigayon sa may Guingona Park ning siyudad sa Butuan alang sa ika-124 nga anibersaryo sa deklarasyon sa adlaw sa kaugalingnan kon independence day sa nasud human ang kapin 300 ka tuig nga pagpanakop sa Espanya.
Gipangunahan sa mga city councilor ang selebrasyon pinaagi sa mubo lamang nga programa nga gisalmutan sa mga uniformed personnel uban usab sa mga kabatan-unang nakigbisog alang sa malinawong dakbayan pagpanguna sa KKDAT kon Kabataan Kontra Druga at Terorismo.
Adiser ang programa nga gisugdan pasado alas-otso na sa buntag, duna pa’y gipahigayong balaang misa ug duna’y gihalad nga sayaw ang kabatan-unan adiser ang program proper.
Sigon ni KKDT-Butuan President Angel Catubigan, sayo pa kaganinang kaadlawon ang ilang gihimong pagpangandam. Kini gawas pa sa gilusad nilang mural painting nga nagdala sa tema alang sa ika-124 ka tuig nga kasa-ulugan sa Independence Day.
Sigon ni provincial information officer Edgar Palarca Jr., gidungan ang maong kasa-ulugan sa soft opening usab sa 8th Sadow Festival ning lalawigan alang sa ika-55 nga kasumaran sa kamugnaan ning lalawigan dungan sa pagbuwag niini sa kaluhang lalawigan sa Agusan del Sur.
