-- ADVERTISEMENT --
BUTUAN CITY – Labing menos 12 ka tawo ang namatay human nahagsa ang usa ka eroplano sa Missouri sa Estados Unidos.
Sumala sa Missouri State Highway Patrol, nahitabo ang insidente duol sa Butler Memorial Airport sa lungsod sa Butler.
Sa pasi-unang report, wala’y naluwas sa aksidente kondiin apil sa mga namatay ang 11 ka mga skydivers ug ang piloto.
Padayon pa ang imbestigasyon sa mga otoridad aron masuta ang hinungdan sa pagkahagsa sa eroplano.
Ang Butler nahimutang mga 60 milya sa habagatan sa Kansas City, Missouri.
-- ADVERTISEMENT --
Sa pagkakaron, nakig-koordinar na ang mga ahensya ngadto sa mga pamilya sa mga biktima samtang nagpadayon ang imbestigasyon.
