BUTUAN CITY – Mukabat sa 111 ka mga pulis nga sakop sa Police Regional Office (PRO)13 ang gibansay sa counter insurgency operations human nakompleto ang ilang Basic Internal Security Operations Course (BISOC) sa Regional Special Training Unit (RSTU)13, sa lungsod sa Santiago, Agusan del Norte.
Duha ka mga klase sa BISOC, nga gilangkuban sa 52 ka mg lalaki ug 59 ka mga babayeng duna’y ranggong patrolman, ang i-assign sa mga line companies sa Regional Mobile Force Battalion nga naka-station sa managlahing lugar ning rehiyon.
Si Patrolwoman Faith Kelly Custan ang nanguna sa class-01-2020 human nakuha ang rating nga 92.77% samtang si Patrolman Darling Jay Rizalido usab ang nanguna sa class-02-2020 uban sa rating nga 92.88%.
Ang maong training naghitsas sa mga rookie cops sa ilang kahibalo, taras, abilidad ug dignidad diha sa paglusad sa internal security operations.
Milungtad og 60 ka mga adlaw ang nasangpit nga rigid training program nga gi-ubanan sa mga experienced instructors gikan sa PRO-13, RSTU, ug sa elite PNP Special Action Force.
