BUTUAN CITY- 11 ka tao ang patay human nahagsa ang usa ka civilian aircraft nga nagsakay og mga skydiver sa lungsod sa Tomblaine, Eastern France, sumala sa lokal nga mga awtoridad. Lakip sa mga namatay ang piloto ug napulo ka pasahero, nga gilangkuban sa lima ka estudyante ug lima ka instruktor sa usa ka eskwelahan sa parachuting.
Ang maong eroplano bag-o pa lamang milupad gikan sa Nancy-Essey Airfield sa dihang nahitabo ang trahedya. Gi-awhag sa kapulisan ang publiko nga likayan ang palibot sa tugpahanan sa departamento sa Meurthe-et-Moselle samtang nagpadayon ang imbestigasyon.
Sigon usab ang mga opisyal nga wala’y laing sibilyan nga naangol sa insidente, gani dali usab nga gi-adto sa pamilya sa mga biktima ang nasangpit nga lugar. Samtang, padulong sa maong lugar ang French interior minister aron personal nga masubay ang kahimtang ug mga lakang sa gobyerno.
