BUTUAN CITY – Usa ka sibilyan ang patay samtang laing usa ang angol human ang pagpanunog sa mga rebeldeng New People’s Army kon NPA sa mga heavy equipment sa may Purok 2, Brgy. Zone 2, lungsod sa Lanuza, Surigao del Sur pasado alas-nueve kagabii.
Ang mga biktima, pulos watchman sa MR1 Construction kondiin ang namatay nailang si Eldrin Daraman samtang ang angol ug nadala na sa ospital nailang si Melvin Buniel.
Sa eksklusibong pakighinabi sa Bombo Radyo Butuan, gipadayag ni Surigao del Sur Police Provincial Director Col. James Goforth nga duha ang ka heavy equipment ang malampusong nasunog sa gibana-banang 20 ka mga armadong rebelde human nga nalangay ang pagresponde sa mga pulis ug sa mga sakop sa 2nd Company sa Surigao del Sur Police Mobile Force tungod sa pag-harass usab sa mga rebelde ngadto sa Lanuza Municpal Police Station kansa usa matud pa ka lakang aron dili makaresponde ang mga pulis sa gihimo sa walhong grupo.
Milungtad og 20-minutos ang engkwentro kondiin naka-angkon og daghang igo sa mga bala ang maong istasyon.
