BUTUAN CITY – Padayon pa ang imbestigasyon sa kapulisan sa Cabadbaran City, Agusan del Norte ang natigayong pagpa-arak ug pagsunog sa usa ka panimalay pasado alas-6:40 kagabii sa Purok 9, Brgy. Calamba, sa maong siyudad.
Ang insidente miresulta sa pagka-angol sa 52-anyos nga mag-uumang si Samson Villamor ug pagkamatay usab sa kumagbos niining si Joel Abuabu Jr., 29-anyos, pulos residente sa maong dapit.
Migawas sa inisyal nga imbestigasyon nga pito ka wala mailang suspek nga armado sa tag-as nga kalibre sa armas ang responsable niini.
Narekober sa dapit nga nahitabuan ang 18 ka mga fire cartridge cases sa M16 rifle.
Gidala na sa Cabadbaran District Hospital ang patay alang sa post mortem examination samtang padayon pang gitambalan ang iyang ama-ama.
