BUTUAN CITY – Opisyal nang gipakita sa sikat nga Madame Tussauds Museum ang wax figure sa aktres nga si Kathryn Bernardo atol sa Glorietta Palm Drive Activity Center sa Makati City, diin daghang fans sa aktres ang mitambong aron masaksihan ang espesyal nga okasyon.
Makita sa wax figure ang aktres nga nagsul-ob og elegante nga puti nga bistida ug gihipos ang buhok nga pareho sa iyang hitsura dihang mitambong siya sa Seoul International Drama Awards niadtong 2023 ug gihimo niadtong Oktubre 2025.
Sugod Hulyo 17, mahimo nang makita ug makuhanan og litrato sa iyang mga fans ang wax figure ni Kathryn sa Madame Tussauds Hong Kong.
Alayon niini, si Kathryn ang pinakabag-ong Pilipino nga gihatagan og kaugalingong figure sa Madame Tussauds, sunod nila Pia Wurtzbach, Manny Pacquiao, Anne Curtis, Catriona Gray, ug Lea Salonga.
Ang pag-ila kang Kathryn giisip nga bag-ong kalampusan sa iyang karera isip usa sa labing iladong personalidad sa industriya sa pelikula ug telebisyon sa Pilipinas.
