-- ADVERTISEMENT --
BUTUAN CITY – Walo ka mga tawo ang missing sa flashfloods sa Brgy Tanuman Big, lungsod sa Jose Abad Santos sa Davao Occidental kagabii human gitu-uhang na-apil pagka-anod sa upat ka mga balay ug na-igo sa na-anod nga nangalukat nga kahoy.
Nasayrang pasado alas-siete pa lang kagabii, mi-awas na ang tubig baha sa habog nga tulay sa maong barangay.
Gikan matud pa sa bukid ang tubig sa mibuswak nga dam sa bukirang bahin sa maong barangay ug tungod kay kusog ang ulan, nagtapok ra sulod sa balay ang pipila ka pamilya sa upat ka panimalay nga na-anod resulta sa ilang pagkawala.
Padayon pa ang search and rescue operation sa maong lugar ug kasikbit nga mga lungsod aron makita ang mga biktima.
