BUTUAN CITY – Gipanghimakak sa rebelding grupo nga sila ang naghimu sa pagpang -ambush sa usa ka convoy nga nagpahigayon ug humanitarian mission sa Surigao City.
Sa eksklusibong pakighinabi ning sibyahan sa nagpailang Ka Otto sa New People’s Army kon NPA, naglingo-lingo kini sa akusasyong sila ang nag-atake sa convoy nga gilangkuban sa Sagip Kapamilya Foundation sa usa ka network ug nag-escort nga kasundaluhan kagabii sa may Barangay Linongganan, San Francisco, Surigao Del Norte.
Sumala pa ni Ka Otto, wala silay tropa sa maong dapit isip pagtuman sa gideklarang local ceasefire.
Gibutyag nalang niini nga gisabotahe sa kasundaluhan ang maong deklarasyon labi na kay tropa sa gobyerno matud pa ang naghimu ug security measure sa maong dapit.
Posibli matud pang ila rang kaubanan ang nagbuhat sa ingon aron lang mabulabog ang hunong pinusilay.
Gawas pa kini sa kadudahang 6 lang ka bala ang gipabuto hinungdang walay napagan nga indibidwal.
