BUTUAN CITY – Giyagyag ni Datu Alan Dandanon, ang Clan Leader sa CADT 135 ang mga rason kung nganung nagpapasar sila og resolusyon nga nagpaundang sa Panaad sa Barangay Anticala ning siyudad sa Butuan sa matag-Biernes Santo.
Sumala pa ni Datu Dandanon nga ilang gipa-receive sa maong resolusyon ang opisina ni Congressman Joboy Aquino og bisan sa kapulisan.
Ang nag-unang rason niini mao nga sakop sa ancestral domain ang nahimutangan sa panaad apan wala miagi sa saktong proseso sa pagsugod pa niini niadtong 2013. Gitumbok niini ang walay kongkretong pagpananghid.
nakakalas na usab kini og duha ka miyembro sa tribong Manobo ang maong aktibidad sa dihang dunay natigayong engkuwentro.
Lakip usab sa gitumbok ni Datu Dandanon ang kahugaw nga gibilin sa maong Panaad.
Dismayado usab ang Tribo tungod kay wala man lay nakigdayalogo kanila gikan sa opisina ni Congressman Aquino samtang sa gihimong meeting sa Barangay Anticala wala poy mitunga.
Bisan paman niini, girespetu gihapon sa tribu ang gihimong Panaad diin misaad kini nga magpadayon ang relihiyosong kalihukan nga walay magbabag-babag o magsinamok gikan sa ilang tribo.
Apan gibarugan sa tribo ang ilang resolusyon rasong human sa maong aktibidad nanghinaot kini nga dunay mahitabo nga pakigdayalogo aron mapaabot usab ang ilang singgit og katungod.
