BUTUAN CITY- Gibatokos ni Vice Presidente Sara Duterte ang Office of the President of the Philippines tungod sa gi-ingong late nga pagpagawas sa iyang travel authority, kansa gi-ingon niining naka-apekto sa iyang biyahe.
Sumala ni Duterte, mingresulta sa pagduha-duha kung tugotan ba kining mobiyahe mao nga gi-utro niini ang iyang travel plans. Gikomperma sa Malacañang nga gi-aprobahan ang iyang travel authority niadtong Abril 22 alang sa pagbiyahe sa pipila ka nasud.
Gihangyo niini sa Palasyo ang mas sayo nga pag-proseso sa mga sunod nga travel request aron malikayan ang aberya sa preparasyon. Dugang pa ni VP Sara, importante usab ang husto nga pagkupot sa sensitibong dokumento.
Ang isyu subay sa impeachment hearings batok niini sa Kamara ug sa buwag nga desisyon sa International Criminal Court kalabot sa kaso sa iyang amahan nga si kanhi President Rodrigo Duterte
