BUTUAN CITY- Gisiguro ni Senator Joel Villanueva sa mga miyembro sa Jesus is Lord Church nga motambong kini sa unsa mang special session sa Kongreso ugaling ipatawag kini panahon sa legislative break.
Sa usa ka video message nga gipakita sa worship service sa simbahan kagahapon Domingo, sigon ni Villanueva nga andam niining buhaton ang iyang responsibilidad isip bagbabalaod adunay special session.
Sa iyang statement, sumala Senador nga daw na-ipit kini sa isyu sa duha ka nagkasumpaki nga paksyon.
Lakip si Villanueva sa paksyon ni Senator Alan Peter Cayetano nga wala mingtambng sa kataposang tulo ka adlaw nga sesyon sa Senado adiser ang sine die adjournment.
Tungod niini, nalangay ang pagpasa sa pipila ka sugyot balaodnon ug ang kumpirmasyon sa promosyon sa pipila ka militar.
Taliwa paman niini, nakamugna og 12 ka miyembrong quorum ang Senado nga nagpili kang Senator Sherwin Gatchalian isip Senate president pro tempore ug Acting Senate President. Mingsangpot usab kini sa mga panawagan alang sa usa ka special session aron ma-apas ang mga nag-ung-ung nga hisgutanan sa lehislatura.
Kahinumdumang una nang gibutyag sa Malacañang nga bukas si President Ferdinand Marcos Jr. sa posibilidad nga magpatawag og special session aron mapasa ang mga kinahanglang sugyot samtang naka-break ang Senado.
