BUTUAN CITY – Naglusad ang Estados Unidos og airstrikes sa Iran sulod na sa siyam ka sunod‑sunod nga gabii, nga gitumong sa mga pasilidad militar sa Iran nga gigamit sa pag-atake sa mga barko nga mu-agi sa Strait of Hormuz.
Apil sa gi-atake sa Amerika ang Khuzestan Province partikular ang Mahshahr ug ang Imam Khomeini port apil na ang Sirik ug Jask sa Hormozgan Province; ang Khvormuj sa Bushehr Province; ang Tabriz sa Northwest Iran ug ang Sistan ug Baluchestan Province rason nga gi-activate na ang air defenses sa Konarak, Chabahar.
Sigon sa US Military, tumong sa ilang pag-atake ang pagpahuyang sa kapasidad militar sa Iran nga gigamit sa pag-atake sa mga komersyal nga barko ug mariners nga mu-agi sa Strait of Hormuz.
Kini ilabina nga namatay na ang ikatulong sundalo sa US nga una nang na-missing ning mi-aging mga adlaw. Gihimo ang kapin usa ka semana nang pag-atake sa Amerika sa Iran human nabu-ak ang usa ka buwang kasabutan alang sa kalinaw tali sa Washington ug Tehran..
