BUTUAN CITY – Subling gipahayag ni US President Donald Trump ang deadline ngadto sa Iran nga mosulod sa kasabutan og ablihan ang Strait of Hormuz o kaha mag-atubang og pag-atake ngadtop sa ilang mga power infrastructure.
Gibutyag ni Trump nga ang Iranians nakig-negosyar sa United States nga molambigit sa gihimong kasabutan apan nagtanyag kini og limitadong amnestisya.
Sumala ni Trump nga kung dili sila makig-deal sa US, kuhaon matud pa nila ang Iranian oil, usa ka lakang nga kanhe nang gibutyag sa presidente nga wala silay pasensiya alang niini.
Gidugang pa ni Trump nga gisulayan matud pa sa Iran nga e-uktaba ang negotiating timeline alang sa kasabutan nga mao matud pay hinungdan nga gi-bombahan nila ang mahinungdanong tulay sa Tehran sa nakalabay nga semana.
Duna matud pay maayong tsan-sa alang sa kasabutan karung lunes nga deadline bisan og wala pay indikasyon diha sa publiko gikan sa Iranian officials nga sirado na ang pakigsabot.
Una nang gihatagan ni Trump ang Iran og Abril 6 nga deadlin aron mohimo og kasabutan o kaha mag-atubang og hulga sa pag-atake sa ilang mga kritikal nga imprastrasktura human gilugwayan ang unang 10 ka adlaw nga deadline.
Gane nagbahad si Trump nga ang martes mahimong Power Plant Day og Bridge Day tungod kay dunganon kini sa pagbomba sa US.
