BUTUAN CITY – Naglusad ang US military og “self-defense” strikes ngadto sa Iran diin gipabusikad niini ang ballistic missiles og drones nga gitira ngadto sa mga barko og sa Gulf countries.
Sigon sa US Central Command nga ang pag-atake sa Qeshm Island, sa Strait of Hormuz, mao ang tubag human misulay og pag-atake ang Iran sa Middle East.
Sumala sa Iran nga giatake nila ang US bases og helicopters sa “regional country” gamit ang missiles og drones isip balos. Gibutyag sa Centcom nga ang Tehran mitira og duha ka missiles sa Kuwait og tulo sa Bahrain, diin ang tanan napug-ngan.
Ang maong pag-atake natigayon human napakyas ang ceasefire negotiations aron unta tapuson ang pila ka bulan nang giyera.
Gidugang usab sa Centcom nga ang ilang gihimong atake sa Qeshm Island nagtarget sa Iranian military ground control station og ang US military nakabungkag usab sa tulo ka drones nga gitira sa Iran ngadto sa mga civilian mariners nga nagbiyahe sa maong kadagatan.
Sigon usab sa IRGC nga ang seguridad sa Strait of Hormuz maoy magsagubang sa dakong bayad sa pagka-agresibo sa US military”.
