BUTUAN CITY- Gi-ilang “terminated” na ang giyera tali sa Amerika ug Iran adiser paman ang gikatakdang deadline karung adlawa Biyernes, Mayo 1 alang sa pag-apruba sa US Congress sa giyera, sumala sa usa ka senior Trump administration official.
Ubos sa War Powers Resolution, aduna lay taman karun si US President Donald Trump aron mangayo og congressional authorization aron ipadayon ang conflict o tapuson na kini, kung asa adunay opsyon nga palapdan pa ang deadline og dugang 30 ka adlaw.
Sigon sa senior official, ang panagbangi nga mingbusikad niadtong Pebrero 28 tali sa Amerika ug Iran terminated na tungod sa kasamtangang ceasefire.
Matud sa opisyal, nahunong na ang pagbinaylo-ay og atake sa duha ka nasud sukad niadtong mahimong epektibo ang ceasefire niadtong Abril 7 ug gilugwayan pa sa wala magdugay.
Una na nga gi-anunsyo sa White House sa US Congress ang military campaign batok sa Iran niadtong Marso 2 sa kasamtangang tuig, kung asa karung adlawa, ang 60-day milestone alang sa Presidente nga gisugdan ang “winding-down” sa giyera gawas nalang kung makakuha kini og congressional authorization.
