BUTUAN CITY – Gikumpirma sa Department of Disease Control sa Thailand nga ang laboratory tests result sa 66-anyos nga pasyenteng European nga nadala sa ospital sa Bangkok niadtong Agusto 14, na-infect sa mpox Clade 1b kansa ila nang gipahibalo ngadto sa World Health Organization (WHO).
Mi-abot na matud pa sa 43 ka mga tawo ang ilang gi-monitor tungod kay duna’y close contact sa maong pasyente kondiin sa pagkutlo niini nga balita, wala pa sila magpakita og simtomas apan padayon ang ilang monitoring sulod sa 21 ka mga adlaw.
Sigon sa maong departamento, ang si bisan kinsa mang mu-adto sa Thailand gikan sa 42 ka mga risk countries, kinahanglang murehistro ug mupa-ilalom sa test sa ilang pag-abot.
Padayon ang pagsaka sa mga kaso sa mpox ug ang mga namatay tungod sa maong sakit didto sa Africa, kondiin duna na’y outbreaks didto sa Democratic Republic of Congo, Burundi, Kenya, Rwanda ug Uganda sukad niadtong July.
Nagdeklara na ang World Health Organization og global public health emergency sa bag-ong variant sa mpox, dayong awhag sa mga manufacturers nga paspasan ang produksyon sa ilang mga bakuna.
