BUTUAN CITY – Gikondena ni Italian Prime Minister Giorgia Meloni ang mga pamahayag ni US President Donald Trump batok kang Pope Leo XIV, nga iyang gitawag og “unacceptable,” samtang misaka ang tensyon tali sa White House ug sa Vatican.
Sa usa ka pamahayag, gibutyag ni Meloni nga dili angay himuong target sa pagbatikos ang Santo Papa, nga mao ang lider sa Simbahang Katolika ug adunay papel sa pagpalambo sa kalinaw ug pagsupak sa gubat.
Nahimong kontrobersyal ang mga pamahayag ni Trump human niya gibatikos si Pope Leo XIV sa social media ug sa pipila ka interbyu, diin gitawag niya kini og “weak on crime” ug “terrible for foreign policy.”
Sumala pa ni Trump nga ang pagpili kang Pope Leo nalambigit sa pagka-Amerikano niini, nga iya pang giingon nga “the best way to deal with.”
Tungod niini, mitubag ang Santo Papa ug miingon nga dili siya mahadlok sa administrasyon ni Trump ug magpadayon siya sa pagpahayag alang sa kalinaw.
Giklaro usab sa Vatican nga lahi ang ilang papel kumpara sa mga politiko sa natad sa foreign policy, tungod kay nakatutuk kini sa moral nga panawagan batok sa kapintasan ug gubat.
