BUTUAN CITY – Gikondena ni Naim Qassem, ang Secretary-General sa militanteng grupong Hezbollah sa Lebanon ang umalabot nga panagsabot tali sa kagamhanan sa Lebanon ug sa Israel nga gitakda pasado alas-onse sa buntag, oras sa Washington, DC.
Sigon ni Qassem, wala’y pulos ang panagsabot tungod kay makonsidera matud pa kining pagsurender sa Lebanon ngadto sa Israel rason nga angayan lang kining kanselahon sa kagamhanan sa ilang nasud.
Gawas pa nga maghukas kini sa kalig-on sa Lebanon.
Sigon ni Israeli Foreign Minister Gideon Saar, ang Hezbollah mao ang problema tali sa ilang nasud ug sa Lebanon. Gipadayag niini nga adiser ang panagtagbo tali sa mga opisyal sa duha ka nasud sa Washington DC, daan nanang nangita ang Israel og kalinaw ingon man normalisasyon tali sa Lebanon.
Dugang pa ni Saar, wala’y dagkong bangi ang Israel ug Lebanon gawas sa Hezbollah.
Ang problema matud pa sa seguridad sa Israel mao usab ang problema sa sobereniya sa Lebanon. Nasayrang kapin na sa 200 ka mga tawo ang napatay sa Lebanon tungod sa Israeli attacks sa sayong bahin sa Marso samtang kapin na usab sa usa ka milyon ang nadislokar.
