BUTUAN CITY – Tulo ka mga oil tankers na ang nakasulod sa Gulf agi sa Strait of Hormuz base na sa shipping data gikan sa London Stock Exchange Group kon LSEG ug sa Kpler -ang duha ka kompanya nga maoy nagpagawas ug shipping data aron masubay ang global trade flows, vessel movements, ug freight rates.
Ang LSEG naghatag og financial ug commodity analytics, samtang ang Kpler nag-focus sa real-time ship tracking ug predictive analytics.
Base sa ilang shipping data, ang Panama-flagged nga Peace Gulf padulong ngadto sa Hamriyah port sa United Arab Emirates kon UAE, human nag-transit ig bag-ong ruta tali sa mga islands sa Larak ug Hormuz sa Iranian territorial waters nga maoy gimando sa Iran Revolutionary Guard Corps kon IRGC nga agi-an sa tanang barko.
Una niini, duha ka mga US-sanctioned tankers ang mi-agi sa pi-ot nga waterway.
Tungod kay ang maong mga barko nga naglawig sa maong strait dili mupadulong sa mga pantalan sa Iran, dili sila apektado sa US blockade, nga mi-epekto kagahapong adlawa.
