BUTUAN CITY – Wala na maluwas pa ang usa ka ulitawo dihang naghikog gamit ang pisi human na-ulaw dihang wala gipasaylo sa iyang ig-agaw nga gisulayan matud pa niya og lugos.
Naila ang naghikog nga si John Rey Lapis, 32-anyos, residente sa Purok 3-A, Brgy. Baan Riverside ning siyudad sa Butuan.
Base sa report sa Butuan City Police Station 1, gi-asuy matud pa sa manghod niining si Mark Anthony Lapis, nakig-inom ang iyang maguwang uban sa iyang mga higala didto sa balay sa ilang ig-agaw apan pagka-alas 12:19 sa tungang gabii, gikamang mnatud pa niini ang ilang 20-anyos nga dalagang ig-agaw apan wala kini mulampos hinungdan nga misibat.
Pagka-alas otso kagahapon sa buntag, midalikyat kini sa balay sa babaye aron mangayo og pasaylo sa rasong naka-inom lang kini apan gipatawag na hinuon siya sa barangay.
Tungod sa ka-ulaw mi-uli ang biktima kinsa napalgan na lang nga nagbitay na luyo sa ilang panimalay pagka-alas 10:40 sa susamang adlaw nga wala na’y kinabuhi.
