BUTUAN CITY – Gihikay na ang kaso ipasaka batuk sa lalaking mipatay sa iyang hinigugma kagahapon sa kaadlawon sa Nasipit, Agusan Del Norte.
Sigon ni PO3 Elmer Haranay, imbestigador sa Nasipit Municipal Police Station sa eksklusibong interview sa Bombo Radyo Butuan, mitahan kanila ang suspek nga si Remare Bitangcor, ulitawo, residente sa Curato St., Brgy. 3, sakop sa maong lungsod.
Apan gi-angkon ni PO3 Haranay nga gamay pa ang gibuhiang mga pulong sa suspek nga anaa pa sa estado sa kahadlok.
Hinoon desidido nga mopasaka ug kaso ang pamilya sa biktimang si Aimee Tampan, 34-anyos, residente sa District 1 ng Brgy. Punta, parehong sakop maong lungsod og empleyado sa Department of Environment and Natural Resources kon DENR.
Gibutyag usab ni PO3 Haranay nga gihulat pa nila ang resulta sa autopsy report aron masuta ang hinungdan sa kamatayon sa biktima.
Nasayrang didto sa baybayon sa Barangay Punta mga alas-12:40 sa kaadlawon ang duruha nga nadunggang naglalis og napalgan na lang nga nagbuy-od na sa baybayon ang biktima nga wala nay kinabuhi samtang daling misibat ang suspek.
Gika-ingong dili nmatud pa madawat sa suspek ang pagpakigbuwag sa biktima ngadto kaniya rason sa nahitabong kremin. (Rolan Janea)
