Giklaro ni Akbayan Party-List Representative Chel Diokno, nga importanteng ipadayon ang impeachment proceeding taliwa sa mga krisis nga gi-atubang sa nasud ug dili matud pa kini ilhon isip usik sa oras sa mga Public Servant.
Sumala ni Rep. Diokno, ang impeachment usa ka importanteng mikanismo sa pagpanubag aron masuta sa publiko kung matinud-anon ang usa ka lider. Pag-insistar niini nga kung ang usa ka lider dili matinud-anon sa iyang katungdanan, mahimong dalan kini sa korapsyon ug pagpang-abusar sa gahom.
Dugang pa sa magbabalaod, nga kinahanglang hugot nga susihon ang mga ebidensya aron mapatubag ang si kinsa mang nalamabigit sa pagpang-abusar ug korpasyon. Sigon pa ni Diokno, nga ang proseso sa Impeachment, importante alang sa katawhan aron ma-ampingan ang integridad sa panggamhanan ug masiguro nga ang gahum dili magamit sa pagpahagsa sa interes sa katawhan.
