BUTUAN CITY – Subling gipamatud-an sa Ferrari World theme park nga sila ang hari sa kapaspas human makatala og Guinness World Record ang ilang rollercoaster nga “Formula Rossa”sa Guinness World Record para sa titulong “pinakataas nga speed nga nakab-ot sa gilusad nga rollercoaster”.
Naabot niini ang makalipong nga kapaspas nga 240 kilometro kada oras sulod lang sa 4.9 segundos nga masusama kapaspas sa usa ka tinood nga Formula 1 car.
Migamit ang nasangpit nga rollercoaster sa usa ka hydraulic launcher aron paandaron kini sa 2.2-kilometrong riles nga gihimo sa Autodromo Nazionale Monza circuit sa Italy.
Tungod niini, nakasinati usab ang mga misakay niini sa kusog nga puwersa nga muabot sa 4.8 G-force, bugti sa mga nabati sa mga propesyonal nga race car drivers.
Gikuptan na sa Formula Rossa ang record isip pinakapaspas nga rollercoaster sa tibook kalibutan sukad pa nga giablihan kini niadtong 2010.
