BUTUAN CITY- Temporaryong nag-withdraw ang United Kingdom sa pipila ka staff gikan sa embahada niini sa Tehran tungod sa hulga sa posibleng pag-atake sa US batok sa Iran, samtang daghang nasud nagpasidaan sa ilang mga lungsoranon nga likayan ang Middle East.
Ang Foreign Office sa UK nag-ingon nga precautionary measure kini ug magpadayon ang operasyon sa embahada pinaagi sa remote nga paagi.
Sa Israel, ang US embassy nagtugot sa pipila ka non-emergency staff ug pamilya nga mobiya sa nasud, samtang ang State Department nagpahibalo nga si Secretary of State Marco Rubio mobiyahe ngadto sa Israel aron hisgutan ang mga isyu sa rehiyon lakip na ang Iran.
Daghang nasud sama sa China, India ug Canada nanawagan sa ilang mga lungsoranon nga mobiya sa Iran tungod sa hulga sa gubat. Ang tensyon misaka human sa pasidaan ni Presidente Donald Trump nga maghimo og military action kon dili makab-ot ang kasabutan bahin sa nuclear program sa Tehran, nga gi-deny sa Iran nga armas nukleyar ang tuyo.
Samtang ang UN nuclear watchdog nagpahayag og kabalaka tungod sa pagdumili sa Iran nga tugotan ang inspeksyon sa uranium enrichment sites.
