BUTUAN CITY- Mipasi-daan si U.S. President Donald Trump nga gub-on sa Amerika ang mga planta sa kuryente sa Iran kon dili niini hingpit nga ablihan ang Strait of Hormuz sulod sa 48 oras.
Ang intense threat ni Trump subay sa iyang pamahayag kani-adto kalabot sa paghunong sa giyera, apan ming-init pag-usab ang tensyon human ang serye sa mga pag-atake. Sumala sa taho, minglusad ang Iran og duha ka long-range ballistic missiles sa adunay gilay-on nga 4,000 kilometers padulong sa US-UK military base sa Diego Garcia sa Indian Ocean.
Sumala ni Israeli military chief Eyal Zamir, kini ang unang higayon nga minggamit ang Iran og susamang klase sa missiles nga makaabot hangtod sa mga kapital sa Europa sama sa Berlin, Paris, ug Roma.
Sa Israel usab, na-igo sa mga missile sa Iran ang mga syudad sa Dimona ug Arad nga gika-angol usab sa kapin dosena ka-tao, lakip ang mga bata.
Sukad masudog ang opensiba sa U.S. ug Israel niadtong Pebrero 28, kapin 2,000 na ang namatay sa Iran samtang 15 usab ang natalang namatay sa kampo sa Israel.
“If Iran doesn’t FULLY OPEN, WITHOUT THREAT, the Strait of Hormuz, within 48 HOURS from this exact point in time, the United States of America will hit and obliterate their various POWER PLANTS, STARTING WITH THE BIGGEST ONE FIRST!” pamahayag ni Trump sa social media.
