BUTUAN CITY- Gi-anunsyo ni US President Donald Trump nga giyahan sa US ang mga barko nga maka-agi sa Strait of Hormuz sugod karung adlawa Lunes.
Sumala usab sa US Central Command, lakip sa military support ang guided-missile destroyers, kapin 100 aircraft ug 15,000 service members.
Kini isip suporta matud pa sa “Project Freedom” ni Trump aron mabawi ang kagawasan sa paglayag sa Strait of Hormuz. Giklaro usab sa US official nga dili kini usa ka escort mission.
Sigon ni CENTCOM commander Adm. Brad Cooper, ang ilang suporta alang sa “defensive mission” importante sa regional security ug global economy dungan sa ilang pagmintinar sa naval blockade.
Mipasidaan usab ang top Iranian official nga si Ebrahim Azizi nga usa ka pagsupak sa kasamtangang ceasefire o hunong-boto ang maong plano.
Sa Truth Social account usab ni Trump, gibutyag niini nga ang paggiya sa mga barko nag tumong sa paghatag og kagawasan sa mga tao, kumpaniya ug nasud nga walay sala ug biktima lang sa mga panghitabo.
Gitaho usab ni Trump nga adunay “very positive discussions” tali sa mga representative sa Amerika ug Iran ug nagtuo nga magresulta kini sa positibo alang sa tanan.
